Personaje
Español  ·  Asturianu

Descubri  
l’orixe  del
to  
CORAXE

#ReconquistaTuHistoria

Descubri  l’orixe  d’Asturies

Nel 2018 cúmplense 1.300 años de la rebelión de Don Pelayo n’Asturies, no que supunxo’l fitu fundacional de la historia del reinu asturianu, primer estructura organizada de poder cristianu surdida na península Ibérica depués de la conquista musulmana empezada nel 711.

La proclamación como rei de Don Pelayo fíxose na zona oriental d’Asturies, na rodiada d’El Monte Auseva, onde, convocada pol propiu Pelayo, axuntóse una asamblea de tolos astures, que lu escoyeron como’l so príncipe.

El reinu d’Asturies surdíu d’estos acontecimientos va tener en Cangues d’Onís la primer sede, construyéndose nesta ciudá y na so contorna dellos de los primeros edificios de promoción rexa directa de la historia asturiana, casu de la capiya de la Santa Cruz, consagrada nel añu 737

a iniciativa del rei Favila, o’l templu primitivu, qu’alredor d’él va surdir depués el monesteriu de San Pedro de Villanueva, promovíu por Alfonso I.

Nenguna d’estes estructures llegó a los nuestros díes, pero ye induldable qu’elles influyeron nel surdimientu del arte prerrománicu asturianu, una de les principales aportaciones d’Asturies a la historia universal del Arte, tal y como reconoció la UNESCO cuando alcordó, en 1985 y 1998, incluyir les sos manifestaciones principales na Llista del Patrimoniu Mundial.

Otru elementu cultural vinculáu directamente a la dómina de la monarquía asturiana va ser el Camín de Santiago, surdíu depués del descubrimientu a primeros del sieglu IX de la tumba del apóstol en Compostela.

Alfonso II viaxó dende Uviéu a Compostela, trazando’l primer camín históricu de pelegrinaxe, al empar que promocionó la construcción de la primer ilesia xunto al sepulcru. Tanto él como Alfonso III promocionaron el sitiu y favorecieron que bien aína s’espardiere l’anuncia d’esi descubrimientu pel imperiu carolinxu y per puntos mui distantes de la Europa cristiana, de la que yá nos sieglos IX y X empiecen a llegar los primeros pelegrinos. Esta ruta cultural, qu’incluye los primeros itinerarios surdíos n’Asturies, inscribióse na Llista del Patrimoniu Mundial de la UNESCO en 1993 y 2015, en reconocimientu a la importancia que tuvo na conformación d’una identidá común n’Europa.

Participa  nos  nuestros  eventos

Congresu   internacional 1.300 aniversariu del orixe del Reinu d’Asturies. Del fin de l’Antigüedá Tardía a l’Alta Edá Media na Península Ibérica (650-900) Del 11 al 13 de xunetu - Muséu Arqueolóxicu d’Asturies Entama: Gobiernu del Principáu d’Asturies (Dirección Xeneral de Patrimoniu Cultural) y Asociación de Profesionales Independientes de l’Arqueoloxía d’Asturies (APIAA)
Esposicion   sobre’l   Reinu   d’Asturies Del 4 al 19 d’agostu - pabellón del Gobiernu del Principáu d’Asturies, Feria Internacional de Muestres d’Asturies Entama: Gobiernu del Principáu d’Asturies
Simposiu    El    Reinu    d’Asturies    y    Europa Del 2 al 5 d’ochobre - Hotel de la Reconquista (Uviéu) Descargar folletu informativu (pdf) [+]
Congresu   Visiones   nueves   sobre’l   Reinu   d’Asturies 26 AL 29 DE PAYARES - AULA MAGNA DEL EDIFICIU HISTÓRICU DE LA UNIVERSIDÁ D'UVIÉU ENTRADA GRATIS Descargar programa (pdf) [+]